នាវេលាម៉ោង ៣ រសៀលថ្ងៃទី ២៩-០៣-២០១៥ ឯ.ឧ ឌិត ទីណា រដ្ឋលេខាធិការក្រសួងរ៉ែ និងថាមពល មន្ត្រីអគ្គនាយកដ្ឋានធនធានរ៉ែ ព្រមទាំងកម្លាំងរាជអាវុធហត្ថបានចុុះយុទ្ធនាការទប់ស្កាត់ការធ្វើអាជីវកម្មបូមខ្សាច់ខុសច្បាប់នៅទន្លេបួនមុខ រាជធានីភ្នំពេញ និងចុុះដោះស្រាយបណ្តឹងប្រជាពលរដ្ឋទាក់ទងនឹងការបូមខ្សាច់នៅកោះអន្លុង់ចិន ឃុំកោះអន្លុង់ចិន ស្រុកស្អាង ខេត្តកណ្តាល។ ជាលទ្ធផលការបូមខ្សាច់ខុសច្បាប់ពីរកន្លែងនៅទន្លេបួនមុខត្រូវបានបង្ក្រាប រីឯការបូមខ្សាច់នៅតំបន់កោះអន្លង់ចិន អាជីវករមានអាជ្ញាប័ណ្ណត្រឹមត្រូវ។ ឯ.ឧ ឌិត ទីណា បានបញ្ជាក់ជាមួយអាជីវករអោយធ្វើការបូមខ្សាច់ទៅតាមការកំណត់នៅក្នុងអាជ្ញាប័ណ្ណ និងសំណូមពរដល់ប្រជាពលរដ្ឋជួយផ្តល់ព័ត៌មានមកក្រសួងរ៉ែ និងថាមពល រឺអាជ្ញាធរបើសង្កេតឃើញមានសកម្មភាពបូមខ្សាច់ណាមួយខុសច្បាប់។ យុទ្ធនាការ "ឆ្មាំទន្លេ" លើកទី១នេះបានបញ្ចប់នាវេលាម៉ោង ៧ យប់ និងបន្តធ្វើជាបន្តបន្ទាប់ទៀតដើម្បីទប់ស្កាត់នូវការធ្វើអាជីវកម្មខ្សាច់ខុសច្បាប់។
អាទិត្យ 29 មិនា 2015 | បានអាន 1340
អង្គភាពក្រោមឱវាទ
ឯកសារថ្មីៗ
មណ្ឌលព័ត៍មាន
