នៅព្រឹកថ្ងៃទី០១ ខែមេសា ឆ្នាំ២០១៥ នៅសណ្ឋាគារសាន់វ៉េ (SUNWAY HOTEL) ក្រសួងរ៉ែ និងថាមពលបានរៀបចំកិច្ចប្រជុំ ពិភាក្សា ពិគ្រោះយោបល់ពាក់ព័ន្ធនឹងការផ្គត់ផ្គង់ និងតម្រូវការខ្សាច់ ក្រោមអធិបតីភាព ឯកឧត្តម ឌិត ទីណា រដ្ឋលេខាធិការក្រសួងរ៉ែ និងថាមពល ព្រះរាជអាជ្ញាខេត្តកណ្តាល ព្រះរាជអាជ្ញារាជធានីភ្នំពេញ ប្រធានមន្ទីរ អភិបាលស្រុក-ខណ្ឌពាក់ព័ន្ធ និងមានការចូលរួមពីសំណាក់អាជីវករ និងតំណាងក្រុមហ៊ុនអាជីវកម្មខ្សាច់ប្រមាណ ៣០ ក្រុមហ៊ុន។ កិច្ចប្រជុំនេះ គឺជាការពិភាក្សាបែបវេទិកាសាធារណៈ ដែលមានគោលបំណងជួបជុំ និងពិភាក្សាគ្នារវាងក្រសួង ស្ថាប័នពាក់ព័ន្ធ និងអាជីវករទាំងអស់ ដែលមានអាជ្ញាបណ្ណអាជីវកម្មខ្សាច់ និងអាជ្ញាបណ្ណហួសសុពលភាព ដើម្បីជជែកពិភាក្សាអំពីបញ្ហាប្រឈម និងកង្វល់របស់អាជីវករ សំណូមពរ និងដំណោះស្រាយរួម ដើម្បីធ្វើយ៉ាងណាឱ្យការធ្វើអាជីវកម្មខ្សាច់មានលក្ខណៈងាយស្រួល មានសណ្តាប់ធ្នាប់ និងត្រឹមត្រូវតាមច្បាប់ជាធរមាន។
ជាលទ្ធផល អង្គប្រជុំទទួលបាន ៖
១- មានការយោគយល់គ្នា អត់ធ្មត់ និងសន្យាមិនបូមខ្សាច់ទៀតឡើយ បើសិនជាពុំមានអាជ្ញាបណ្ណពីក្រសួង។
២- តំណាងក្រុមហ៊ុនអាជីវកម្មខ្សាច់ និងអាជីវករទាំងអស់បានបង្ហាញនូវសុឆន្ទៈ រួមគ្នាឲមានការបិទត្រា (seal) លើគ្រឿងចក្ររបស់ខ្លួន ដើម្បីបញ្ជាក់អំពីការប្តេជ្ញាចិត្តថាមិនមានការបូមខ្សាច់ខុសច្បាប់ក្នុងអំឡុងពេលរង់ចាំការទទួលអាជ្ញាបណ្ណពីក្រសួង។
៣- អាជីវករ និងតំណាងក្រុមហ៊ុនទាំងអស់ បានស្នើឱ្យក្រសួងគួរផ្តល់អាជ្ញាបណ្ណដល់ក្រុមហ៊ុនទៅតាមដែនអាជ្ញាបណ្ណចាស់ ដែលក្រុមហ៊ុននីមួយៗធ្លាប់មានអាជ្ញាបណ្ណ ។ បន្ទាប់ពីមានការសិក្សាផលប៉ះពាល់បរិស្ថានរួច នីតិវិធី និងបែបបទនៃការផ្តល់អាជ្ញាបណ្ណ នាពេលអនាគត ក្រសួងនឹងធ្វើការសម្រេចដោយឈលើមូលដ្ឋានជាតិ បរិស្ថាន និងប្រជាពលរដ្ឋជាធំ។
ជាលទ្ធផល អង្គប្រជុំទទួលបាន ៖
១- មានការយោគយល់គ្នា អត់ធ្មត់ និងសន្យាមិនបូមខ្សាច់ទៀតឡើយ បើសិនជាពុំមានអាជ្ញាបណ្ណពីក្រសួង។
២- តំណាងក្រុមហ៊ុនអាជីវកម្មខ្សាច់ និងអាជីវករទាំងអស់បានបង្ហាញនូវសុឆន្ទៈ រួមគ្នាឲមានការបិទត្រា (seal) លើគ្រឿងចក្ររបស់ខ្លួន ដើម្បីបញ្ជាក់អំពីការប្តេជ្ញាចិត្តថាមិនមានការបូមខ្សាច់ខុសច្បាប់ក្នុងអំឡុងពេលរង់ចាំការទទួលអាជ្ញាបណ្ណពីក្រសួង។
៣- អាជីវករ និងតំណាងក្រុមហ៊ុនទាំងអស់ បានស្នើឱ្យក្រសួងគួរផ្តល់អាជ្ញាបណ្ណដល់ក្រុមហ៊ុនទៅតាមដែនអាជ្ញាបណ្ណចាស់ ដែលក្រុមហ៊ុននីមួយៗធ្លាប់មានអាជ្ញាបណ្ណ ។ បន្ទាប់ពីមានការសិក្សាផលប៉ះពាល់បរិស្ថានរួច នីតិវិធី និងបែបបទនៃការផ្តល់អាជ្ញាបណ្ណ នាពេលអនាគត ក្រសួងនឹងធ្វើការសម្រេចដោយឈលើមូលដ្ឋានជាតិ បរិស្ថាន និងប្រជាពលរដ្ឋជាធំ។
ព្រហស្បតិ៍ 02 មេសា 2015 | បានអាន 2109
អង្គភាពក្រោមឱវាទ
ឯកសារថ្មីៗ
មណ្ឌលព័ត៍មាន
